Wat oorspronklik soos ’n gewone dag in ’n oudhede winkel saam met my boetie se twee vierjarige kleintjies (beter bekend as die tweeling) begin het, het ons onverwags laat beland op ’n verweerde eikehoutbankie in ’n rustige hoek van die winkel. Hul beentjies was moeg en het ’n oomblik van rus gevra, maar in hul gedagtes was hulle al lankal op ’n ander avontuur weggevoer, iets baie meer opwindend as om agter die grootmense aan te loop. Dit was nie lank nie, of hulle het met groot oë ’n storie geëis om die tyd om te kry. En so het daar, op die ou bankie in Colonial Antiques, ’n betowerende avontuur vir my ontvou – en natuurlik vir die tweeling ook.